Sot pasdite u dogjën barakat e vjetra për të cilat nuk ka leje për ndërtim te Rampa në Kisella Vodë, e arsyeja për zjarrin është…
“Qytetarët që janë akomoduar në mënyrë të paligjshme janë shkaktarë të zjarrit. Ky është informacioni me të cilin disponojmë për momentin, kurse gjatë ditës do të prononcohemi në mënyrë shtesë sepse ka një pronar të barakave dhe tokës. Ka një Plan të Detajuar Urbanistik që është i vlefshëm, dhe nuk shoh arsye që dikush ta ndezë tokën e tij për të ndërtuar, pasi mund t’i rrënojë, e pastaj të ndërtojë, gjegjësisht mund të dorëzojë kërkesë për dokumentacion ose diçka tjetër”, tha Goran Gerasimovski, kryetar i komunës Qendër.
Pas denoncimit, zjarrfikësit reaguan shpejt, por kur erdhën në vendngjarje zjarri tashmë ishte përhapur.
6 automjetet dhe 20 zjarrfikës, përveç me zjarrin, duhej t’ia dilnin edhe me veturat e keqparkuara të banorëve. Intervenimi i shpejtë parandaloi që flakët ta kaplojnë ndërtesën banimi dhe dyqanet e tjera përreth.
“Bëhet fjalë për një pjesë të një objekti të braktisur, një pjesë e të cilit më parë kanë qenë hapësira pune. Ajo që na u tha ishte se këtu po qëndronin të pastrehë. Nga ajo që gjetëm në fillim, pamë se brenda nuk kishte njerëz, nuk ka të lënduar, gjë që është më e rëndësishme në të gjithë ndërhyrjen. Kështu që, kolegët realizuan një intervenim të suksesshëm dhe të shpejtë”, theksoi Xvonko Tomevski, komandant i Njësisë kundër zjarrit të qytetit të Shkupit.
Janë djegur 300 metra katrorë, kurse për më pak se një vit ky është zjarri i tretë me radhë. Së pari, shpërtheu zjarr në ish-barakat gjyqësore në Parkun e Qytetit, pastaj në objektet e fabrikës së dikurshme “Treska”, e tani edhe në këto baraka.