Protestë e përfaqësuesve të transportit publik në Shqipëri

Përfaqësuesit e transportit publik protestuan sot para Ministrisë së Infrastrukturës dhe Energjisë në Tiranë.

Ata kërkojnë që të fillojnë të punojnë ose që qeveria t’ua paguajë faturat e ujit, energjisë elektrike, kredisë dhe të dhënave të tjera.

“Ne thjesht duam punë, por komunikacioni publik nuk është i vendosur, kështu që le të na paguajnë. Ne duhet të paguajmë qira, energji elektrike, ujë, kredi. Qeveria nuk po i përmbush kërkesat tona. Kemi shumë humbje. Ne thjesht duam punë. Asgjë tjetër”, thonë ata.

Para Ministrisë kishte prani të policisë, e cila u bëri thirrje qytetarëve që të largohen, pas çka ata u shpërndanë.

Drejtori i përgjithshëm i Policisë së Shtetit, Ardi Veliu, urdhëroi sot të gjitha strukturat e policisë të mos lejojnë asnjë tubim apo grupim, përndryshe, do të ndërmarrë masa adekuate.

Komunikacioni urban dhe ndërkombëtar në Shqipëri, duhej të ishte vendosur më 15 qershor, por u anulua për shkak të tendencës së rritjes të infeksioneve të reja me koronavirus në vend.

Për të njëjtat arsye, vonë pasditen e djeshme kryeministri Edi Rama paralajmëroji tre masa të dakorduara me ekspertët, përfshirë ndalimin për të gjitha grupimet dhe tubimet, madje edhe ato politike.

Ai theksoi se nuk do të ketë tolerancë për biznesin dhe nëse nuk respektohen protokollet e sigurisë, përveç gjobave, pronarët do të rrezikohen edhe me burg.

Pas numrave dyshifrorë dhe të ulët dyshifrorë, që nga e hëna e kaluar, numri i të infektuarve të rinj është vazhdimisht në rritje. Mbrëmë, u regjistruan 82 raste të reja të të infektuarve, që është numri më i lartë që nga fillimi i pandemisë./MIA