Propozim që sezoni në Itali të vazhdojë më 27 maj me ndeshjen për kupën Juventus-Milan

Këshilli i Serisë A propozoi që të vazhdohet sezoni i ndërprerë i futbollit në Itali për shkak të pandemisë me koronavirusin, në fund të majit me revanshet e gjysmëfinales së kupës kombëtare.

Krerët e klubeve do të bisedojnë për këtë ide të martën.

Ndeshjet e gjysmëfinales, Juventus – Milan dhe Napoli – Inter janë propozuar të mbahen më 27 dhe 28 maj, ndërsa kampionati të shtyhet më 31-in me qëllim që sezoni të përfundojë deri më 2 gusht.