Shtohen rastet e shfaqjes së arinjve në zonat e banuara dhe pronat private në komunën e Vrapçishtit. Kësaj radhe, shënjestër e sulmit ka qenë një stallë në fshatin Kalisht, ku një ari ka hyrë dhe ka sulmuar një viç, duke i shkaktuar plagë të rënda. Banorët e zonës shprehin shqetësimin e tyre të thellë për sigurinë e bagëtive dhe jetën e tyre, duke kërkuar masa urgjente nga institucionet kompetente për parandalimin e këtyre sulmeve të shpeshta.