Në praninë e shumë pjesëmarrësve në një atmosferë impozante në objektin e ri të Komunës së Kërçovës dhe nën moderimin e gazetares së mirënjohur Arta Sefadini, u promovua dorëshkrimi “Ata që guxuan”. Kjo monografi është edhe libri më i ri i autorit Blerim Ramadanit.
Sa i përket rëndësisë dhe vlerave që mbart në vete ky dorëshkrim e dha opinionin e tij në cilësinë e recensentit edhe Prof.Dr. Jonuz Abdullai nga Universiteti i Evropës Juglindore, si dhe bashkë recensenti tjetër Prof.Dr. Avzi Mustafa.
Me nota pozitive këtë hulumtim shkencor e mbështetën edhe institucioni Komuna e Kërçovës dhe Kryetari i saj z.Fatmir Dehari, si dhe Shoqata “Greshnica” e cila vepron në diasporë.
Fjalë përshëndetëse shprehu edhe Kryetari i Shoqatës z. Xhevahir Ramadani. Redaktor i botimit është gazetari, Shaban Dalipi.