Problemi me kufizimin e qëndrimit të shoferëve në zonën Shengen ose sistemi i ashtuquajtur EES do të shkaktojë kolaps serioz që do të ndikojë në furnizimin e vendit tonë, dhe do të ndikojë gjithashtu në ekonomi. Këtë çështje e hapi deputeti i LSDM-së Mitko Trajçulevski në seancën për pyetje opozitare duke kërkuar përgjigje nga Ministri i Transportit, Aleksandar Nikolloski, për atë që do të ndërmerren për ta zgjidhur këtë problem. Në të njëjtën kohë, shtoi ai, për shkak se transportuesit nuk do të mund të dorëzojnë mallra, ata mund të humbin punën e tyre dhe të kërkojnë zgjidhje duke punuar në vende të tjera.
“Me ndërprerjen, me kolapsin e këtyre zinxhirëve të furnizimit, ne do të arrijmë në një situatë ku do të kemi mungesë të produkteve ushqimore, të nevojave bazë në marketet tona, mungesë të barnave në farmacitë tona, mungesë të lëndëve të para për fabrikat dhe kompanitë tona, që do të thotë goditje serioze për ekonominë tonë. Cila është strategjia e Qeverisë, cilat janë hapat e ndërmarrë, nëse ekzistojnë fare, dhe cila është parashikimi për zgjidhjen e këtij çështjeje?”, tha Mitko Trajçulevski, LSDM.
Ministri i Transportit dhe Lidhjeve, Aleksandar Nikolloski, tha se bëhet fjalë për një problem të vërtetë serioz, për të cilin është diskutuar me Bashkimin Evropian, por se ata nuk kanë treguar mirëkuptim.
“Përgjigja formale që disa ditë më parë e dha edhe zëdhënësi i Komisionit Evropian, me të cilën nuk jam dakord, është se nuk ka dallim midis rregullave të mëparshme dhe rregullave të reja, sepse sipas tij dhe sipas rregullave deri tani, një udhëtar mund të qëndrojë deri në 90 ditë brenda 180 ditëve në zonat Shengen, dhe kjo mbetet e njëjtë edhe tani. Formalisht kjo është e saktë, praktikisht nuk është e saktë sepse transportuesit nuk janë turistë”, u shpreh Aleksandar Nikoloski, ministër për Transport.
Në seancën e sotme parlamentare u ngrit edhe çështja e mungesës së barnave për hemofili. Jovana Mojsovska nga Levica pyeti se si Ministria e Shëndetësisë e lejonte që të sëmurët të mbeten pa terapinë e nevojshme. Në vend të ministrit, përgjigjen e dha zëvendësi i tij, Jovica Andovski, i cili tha se furnizuesi nuk ka mundur t’i dorëzojë barnat, por është gjetur një bar zëvendësues që ofrohet pacientëve.