Presidenti Pendarovski ndau dekoratën “8 Shtatori” për sportistët Tërstena, Bikova, Jovanovski dhe Georgievski

Me rastin e Ditës së Pavarësisë së Republikës së Maqedonisë së Veriut – 8 Shtatori, presidenti Stevo Penbdarovski nderoi me Dekoratën “8 Shtatori” sportistët Shaban Tërstena, Olivera Nakovska – Bikova, Branimir Jovanovksi dhe Dejan Georgievski.

Branimir Jovanovski, është paraolimpiku i parë që fitoi medalje të artë në Lojrat Paraolimpike.

Bikova njihet si kampione e shumëfishtë në Maqedoni në disiplinën e pistoletës ajrore. Në këtë disiplinë, ajo fitoi medaljen e artë në Lojrat Paraolimpike Verore në Londër.

Ndërkohë Shaban Tërstena shpërblehen për fitimin e medaljes së artë në mundje në Lojërat Olimpike Verore të vitit 1984, medaljen e argjendtë në Lojërat Olimpike në Seul, në vitin 1988 dhe medaljen e bronztë në Kampionatin Botëror të Mundjes në vitin 1982. Tërstena është kampion i shumëfishtë i Jugosllavisë për të rinj dhe senior, ndërsa u shpall edhe sportist i shekullit të 20-të i Maqedonisë.

Ndërkohë Dejan Georgievski, do të merr këtë çmim, pas fitimit të medaljes së argjendtë në Lojërat Olimpike në Tokio në taekvondo, dhe çmimit “Sportisti më i mirë i Maqedonisë” për vitin 2021.