Presidenti i Malit të Zi, Jakov Milatoviç tha se qëllimi i tyre është që të bëhen anëtar të Bashkimit Evropian në vitin 2028.
Milatoviç e cilësoi si historik dhe tha se edhe edhe Brukseli dëshiron një histori suksesi dhe shtoi se arritja e kësaj do të japë mesazh se reformat e përbashkëta funksionojnë.
“Qëllimi ynë është që në vitin 2028 të bëhemi anëtari i 28-të i BE-së. Këtë e kupton edhe Brukseli. Është një moment historik pasi të dyja palët duan një histori suksesi që do të tregojë dritën në fund të tunelit të negociatave të anëtarësimit. Historia e Malit të Zi dhe e hyrjes së vendit në BE është shumë më e madhe se vetë Mali i Zi, sepse do të japë mesazhin se reformat, lidershipi i ri politik dhe vlerat e përbashkëta po funksionojnë”, tha ai.
Më herët Milatoviç prezantoi gjerësisht reformat që janë bërë në Mal të Zi, blindimin e institucioneve demokratike dhe përpjekjet paralele për anëtarësim në NATO. Ai argumentoi se vendi i tij është protagonist në procesin e anëtarësimit, pasi ka përdorur euron prej vitesh dhe ka përafruar politikën e tij të jashtme me atë të BE.
“Hyrja e vendit tonë në NATO është gjithashtu e rëndësishme pasi kjo do të forcojë stabilitetin e këtij rajoni shumë të komplikuar të Evropës”, tha ai.