Është ideale të zgjidhni një dyshek mesatarisht të fortë në të butë, sepse lehtëson presionin. Gjithashtu, për dhimbjet e shpinës, është mirë të vendosni një jastëk mes gjunjëve – ndihmon në drejtimin e shtyllës kurrizore.
“Fjetja në krah është pozicioni më ideal i gjumit për ata që duan të reduktojnë dhimbjet e shpinës, të mbështesin shtyllën kurrizore dhe të reduktojnë refluksin e acidit në stomak. Kjo është poza më e shëndetshme”, tha Narwan Amini, një eksperte e gjumit modern nga Britania e Madhe dhe shtoi se gjumi shtrirë në bark është zgjedhja më e keqe e mundshme – ky pozicion duhet shmangur patjetër.
Ajo vë në dukje se është ideale të zgjidhni një dyshek mesatarisht të fortë në të butë, sepse lehtëson presionin. Dhe për dhimbjet e shpinës, është mirë të vendosni një jastëk midis gjunjëve – ndihmon në drejtimin e shtyllës kurrizore.
“Fjetja në krahun e djathtë do t’ju ndihmojë të bini në gjumë më shpejt”, tha Amini, transmeton Daily Mail.
Kolegu i saj dr. Janet Kennedy shtoi se është një pozë e mirë për shtyllën kurrizore dhe për të fjetur në shpinë, ‘por kjo pozitë rrit mundësinë e gërhitjes’. Dhe ajo pajtohet se gjumi shtrirë në stomak është alternativa më e keqe, sepse krijon presion të pakëndshëm në qafë dhe shpinë. Vënia e një jastëku nën kokë mund t’ju ndihmojë, por gjithsesi nuk është një pozë në të cilën është e dëshirueshme të flini.
Ajo ka veçuar edhe gjumin në krah si më të mirën për një gjumë të mirë, por edhe si idealin kundër gërhitjes, pasi rrugët e frymëmarrjes janë të hapura, ndaj ky pozicion është zgjidhja më e mirë për personat që kanë apnea dhe ata që gërhijnë.