Postat me borxh prej 10 milionë euro! Thonë se fajet nuk i ka udhëheqësia e vjetër

Udhëheqësia e re e “Postave të Maqedonisë” trashëgoi borxh 10 milionë euro.

2.5 milionë eurot nga shitja e aksioneve nga Qeveria nuk kanë arritur në adresën e “Postës”.

Kompania nuk i ka marrë as 7 milionë eurot shtesë në bazë të shlyerjes së borxheve të ndërmarrjeve publike nga ana e Qeverisë.
Thonë se fajtori nuk do të kërkohet te udhëheqësia e vjetër, sepse siç shtojnë, borxhin e kanë krijuar Qeveritë e mëparshme përmes vendimeve të tyre.

Pasi falimentoi Eurostandard Banka dhe pas goditjes që e shkaktoi pandemia me Covid-19, tani qëllimi kryesor i “Postës” është të stabilizohet nga aspekti financiar.

 
“Mjetet që Qeveria i jep për rroga do të jenë vetëm për pagesë të rrogave. Nuk ka hapësirë që të punësuarit të frikohen  për vendet e tyre të punës për shkak se Menaxhmenti solli vendim, për shembull postierët të cilët në kushte të pandemisë me Kovid punojnë pa sigurim shëndetësor, të marrim vendim për punësim. Duam stabilizim financiar përmes vendosjes së shërbimeve të reja ndërsa për një gjë të tillë kyçë janë postierët dhe ata do të jenë të privilegjuar”, thonë nga Posta e Maqedonisë.

Udhëheqësia e “Postave të Maqedonisë” paralajmëroi se nga 1 marsi vitin e ardhshëm qytetarët do të mund faturat e tyre t’i paguajnë në sportelet, ndërsa Marrëveshja me Halkbank do të nënshkruhet deri në fund të vitit. Përndryshe godina e Postës qendrore është ndër 12 përmendoreve më të rrezikuara në Evropë.

“Këtë që po e shihni vetë flet për gjendjen, për nevojat të cilat kushtojnë shumë financa. Posta vetë nuk mund t’i sigurojë, të paktën jo për një periudhë të shkurtër”, deklaroi Bllagica Stojçevska – udhëheqëse e Sektorit për ndërtimatari dhe investime.

Udhëheqësia thotë se është para një sfide të madhe që ta kthejë reputacionin e humbur.