Po vijon periudhë e pasigurt për energjinë elektrike! Kovaçevski: Kemi çmime më të ulëta në rajon

Kemi çmime më të ulëta në rajon për ushqim dhe energjenca – tha sot kryeministri Dimitar Kovaçevski, duke iu përgjigjur pyetjeve të gazetarëve pas takimit për harmonizimin e pensioneve me Lidhjen e pensionistëve të Maqedonisë.

 “Kjo ka të bëjë së pari me masat që i ndërmorëm në lidhje me çmimin e energjisë elektrike për shkak se përmes buxhetit shtetërorë subvencionojmë çmimin e energjisë elektrike për qytetarët dhe furnizuesve EVN Home dhe shpenzuesit e vegjël, ulëm TVSH-në nga 18% në 5% për energjinë elektrike”, tha Dimitar Kovaçevski, kryeministër i RMV-së.

Kovaçevski iu përgjigjej pyetjeve të gazetarëve, por kryetarja e Lidhjes së shoqatave të pensionistëve të Maqedonisë ishte padurim.

-Do të sillen masat dhe të njëjtat do t’i propozohen Qeverisë…Mbaroi…!?

Përgjigja e pyetjeve të gazetarëve përfundoi me lëvdatat e kryetares së Lidhjes ndaj Kryeministrit.

-Ju faleminderit!

-Ju munduan… Ju munduan…Por… I’m big man!

Njeriu i parë i Elektranave të Maqedonisë së Veriut thotë se në 20 ditët e fundit konflikti në Ukrainë në mënyrë shtese e ka vështirësuar tregun energjetik. Pohon se vendi ynë ka siguruar gaz dhe naftë që janë kryesorë për prodhimin e energjisë elektrike.

 “Ne arritëm të blejmë kapacitete në këtë periudhë, në fund të shkurtit dhe në muajin mars. Presim që të kemi dërgesë të sigurt dhe stabile të energjisë elektrike dhe ngrohëse. Megjithatë duhet të jemi të vetëdijshëm dhe ndërgjegjes që, siç thotë populli, të përulemi pak dhe të kursejmë. Për shkak se periudha që po na vjen është e pasigurt, nuk e dimë saktë nëse dhe sa do t’i kemi në dispozicion këto resurset”,  tha Vasko Kovaçevski, drejtor i EMV-së.

Prodhimi vendor i energjisë elektrike është i qëndrueshëm, ndërsa TEC Manastir dhe TEC Oslomej punojnë me kapacitete të rritura.

-Kriza energjetike mund të zgjasë, mund të zgjatë një kohë të shkurtër, megjithatë ekziston rrezik që të zgjasë deri në fund të vitit, ndoshta edhe gjatë sezonit të ardhshëm të ngrohjes.

Pensionistët me të cilët sot u takua kryeministri janë të kënaqur me marrëveshjen e arritur por mbetën pa fotografi për në Facebook.