Përplot autobusë drejt kufirit në Tabanoc, Serbia dhe Mali i Zi hapin kufitë por me PCR test negativ

TË FUNDIT

Përplot autobusë me qytetarë sot u nisën drejt kufirit në Tabanoc, pas vendimit të qeverisë serbe dhe malazeze për hapjen e kufirit me Maqedoninë e Veriut. Qytetarët mund të vizitojnë këto vende vetëm me PCR test negativ ndërsa personat të cilat tranzitojnë, testi PCR nuk është i domosdoshëm.

“Nga sot të gjithë qytetarët e Maqedonisë së Veriut mund të udhëtojnë në Serbi dhe Mal të Zi me PCR test negativ i cili nuk duhet të jetë më i vjetër së 48 orë. Fëmijët nën moshën 12 vjeçe nuk kanë nevojë për një test PCR. PCR testi negativ u bë kusht për udhëtim në vendet në mbarë rajonin, me përjashtim të Shqipërisë dhe Turqisë”.

Qytetarët të cilët i anketuam na thanë se kanë teste PCR negative.

“Po shkojmë në pushim në Ohër. A keni test PCR? Po kemi sigurisht, përndryshe s’do të vinim”, tha njw qytetar.

“Po shkojmë në Greqi. A keni PCR test? Po kemi dhe testi është negativ”, tha njw qytetar.  

Ndërkohë, nga mesnata u hapën edhe kalimet kufitare Jazhincë – Glloboçicë dhe Bellanoc – Stançiq mes Maqedonisë dhe Kosovës. Ndërsa deri më tani ishte hapur vetëm vendkalimi kufitar Bllacë. Edhe në këto vendkalime është e detyrueshme të tregohet PCR test negativ. E nga ana tjetër, Qeveria bullgare  vendosi pjesërisht  t’i lehtësojë masat për hyrje në vend për pesë shtete, mes të cilave edhe Maqedonia e Veriut, me ç’rast  nga 28 korriku shtetasit e Maqedonisë mund të hyjnë në Bullgari vetëm me PCR test negativ, jo më të vjetër se 72 orë. Ndërsa Greqia e vazhdoi ndalesën për hyrje të shtetasve tanë deri më 31 gusht, për shkak të koronavirusit.

error: Content is protected !!