Ekipet e Qytetit të Shkupit, duke aplikuar shtresën e fundit të asfaltit në rrugën në bulevardin “ASNOM” në Komunën e Aerodromit, këtë fundjavë përfunduan fazën e parë të rikonstruimit të këtij bulevardi, në drejtimin nga udhëkryqi me rrugën Vasko Karangelevski ”, deri tek udhëkryqi me Bulevardin “Serbija ”afër urës “Binjakët”.
Siç kumtoi Qyteti i Shkupit, bulevardi i zgjeruar ka fituar tre korsi në të dy drejtimet, shteg për këmbësorët dhe biçikletat në të dy anët e bulevardit dhe gjelbërim në mes.
“Pas përfundimit të kësaj faze, bulevardi përmes urës së re, që tashmë është në ndërtim e sipër, duhet të lidhet me lagjen ‘Keramidnica’ në Komunën e Gazi Babës, dhe prej andej edhe Aerodromi do të fitojë lidhje të re trafiku me Qendrën në ish-panairin e Shkupit”, shtohet në kumtesën e qytetit të Shkupit./MIA