Për testim në laboratorët shtetëror qytetarët presin me ditë, andaj shpeshherë ata vendosin të testohen në klinikat private. Vetëm nga dje janë bërë 2667 teste, 1302 apo gjysma prej tyre janë bërë nëpër laboratorët privat. Pyetëm në disa klinika private. Atje çmimet janë prej 2600 deri 6000 për një test.
– Sistina 2700 denarë
– Zhan Mitrev 6000 dhe 3950 denarë
– Remedika 3500 denarë
– Sinlab 3950 denarë
– Biotek 2600 denarë
– Avicena 3000 denarë
Që nga fillimi i pandemisë deri më tani janë bërë 114 teste prej gjithsej 238 mijë në nivel të shtetit. Nëse çmimi mesatar për një test është 50 euro, atëherë qytetarët kanë shpenzuar 5 557 268 euro për teste private. Qytetarët thonë se çmimi për testet për Kovid 19 janë tepër të larta në krahasim me pagën mesatare në Maqedoni.
“Po, çmimi është i lartë, nëse duhet të testohet një familje katëranëtarëshe , paratë do t’i japin vetëm për t’u testuar ndërsa edhe terapia është e shtrenjtë. Kështu që, po, çmimi është i lartë”.
“Nuk mundemi me pension prej 15 mijë denarëve të paguajmë 300 për test. Nuk mbetet asgjë”.
“Normal se është e shtrenjtë sipas standardit”.
“Nuk do të doja ta komentoj çmimin, tani kemi punë më të rëndësishme”.
“Po është e shtrenjtë, 4 mijë denarë. Duhet të jetë deri 1000 ose 2000 denarë, ashtu do të ishte më mirë”.
Epidemiologu Nikolla Panovski para disa javësh tha se testi për virusin korona është i shtrenjtë.
“Ky test është tepër i shtrenjtë, është i prodhuar për 20 euro, ndërsa fakti që paguhet privat është edhe më shumë se e turpshme. Për test të këtillë me strisho për vetëm një person, me të vërtetë është shumë e shtrenjtë”, deklaroi Nikolla Panovski – epidemiolog.
Përndryshe ministri i shëndetësisë Venko Filipçe disa herë tha se nuk mund të ndikojë në uljen e çmimit për testet për Kovid-19 në laboratorit privatë. Ai apeloi të ulen çmimet për shkak se jemi në situatë kur përfitimi nuk është gjëja më e rëndësishme.