Gjatë javës së kaluar me automjete të posaçme karrotrec janë larguar 265 automjete nga sipërfaqet publike në Shkup.
Nga numri i përgjithshëm i automjeteve të parkuara në mënyrë të parregullt, 25 janë larguar nga zonat për parkim, ndërsa 240 me urdhër të policisë së trafikut, në bazë të shkeljeve të kryera: parkim në rrugë, në shtigjet për biçikleta, në vendkalim për këmbësorë, trotoar, sipërfaqe të gjelbërt, në kundërshtim me shenjat e komunikacionit dhe me thirrje të personit të tretë.
Nga qyteti i Shkupit informojnë se kontrollorët në parkingjet zonale në periudhën e njëjtë kanë sanksionuar gjithsej 351 automjete, për shkak të parkimit të parregullt, respektivisht për shkak të mospagesës së shërbimit për parkim.
Qyteti i Shkupit dhe ndërmarrja publike “Parkingu i Qytetit” u apelojnë qytearëve që ta ruajnë gjelbërimin dhe sipërfaqet tjera publike, ndërsa automobilat e tyre t’i parkojnë ekskluzivisht në vendet e shënuara për parkim.