Pepe i ka dhënë fund zyrtarisht futbollit në moshën 41-vjeçare. Qendërmbrojtësi i kombëtares së Portugalisë, ka vendosur që pas kampionatit Europian t’i japë fund zyrtarisht karrierës së tij si lojtar.
Ai do të mbahet mend gjatë për kohën e tij te Real Madrid ku u shndërruar një nga mbrojtësit më të fortë në botë, dhe për trofetë e fituar si La Liga, Champions League, botërorë klubesh dhe një kampionat Europian me Portugalinë.
Në total në karrierën e tij, mbrojtësi portugez regjistroi 878 ndeshje, teksa arriti të fitonte plot 34 trofe, duke u bërë pjesë e mbrojtësve më të mirë në botë.