Ushtria amerikane nga 14 gushti, për pesë ditë të plota, nga Afganistani ka evakuuar rreth 7.000 persona, deklaroi sot një përfaqësues i Ministrisë amerikane të Mbrojtjes, duke shtuar se ushtria është e gatshme ta rrisë evakuimin, pasi gjithnjë e më tepër afganë po tentojnë ta braktisin vendin.
“Nga fillimi i evakuimit, më 14 gusht, kemi transportuar rreth 7.000 persona”, deklaroi gjenerali Henk Tejlor. Sipas tij, pothuaj 12.000 persona janë evakuuar nga fundi i korrikut.
Mes personave të evakuuar janë anëtarët e Ambasadës amerikane dhe afganët që kanë punuar për SHBA-në, e pikërisht ata kanë kërkuar viza speciale migruese nga druarja për hakmarrje të talebanëve.
Tejlor shtoi se ushtria amerikane është e gatshme të evakuojë edhe më shumë njerëz nga aeroporti në Kabul.
Ai sqaroi se në këtë moment 5.200 ushtarë amerikanë e sigurojnë transportin nga aeroporti në Kabul, dhe atë në numër sa më të madh të daljeve, që ndihmon të përmirësohet qasja deri te aeroplanët, pasi numër i madh i njerëzve dëshirojnë të ikin nga talebanët.
Gjatë 24 orëve të fundit, SHBA-ja në Kabul ka dërguar 13 aeroplanë transportues ‘C-17’, prej të cilëve 12 kanë fluturuar, duke transportuar më shumë se 2.000 njerëz”, tha gjenerali.
Adminstrata e presidentit Xho Bajden premtoi se nga Afganistani do t’i nxjerr të gjithë shtetasit amerikanë dhe sa më shumë afganë.