Deklarata e eurokomisionarit për zgjerim, Oliver Varhej se Maqedonia e Veriut dhe Shqipëria do të ndahen në proceset për anëtarësim në BE është keqinterpretuar, thotë presidenti i shtetit Pendarovski. Ai sqaron se Varhej këtë mundësi e ka parashikuar në qoftë se Bullgaria me vite të tëra do të bllokojë vendin ashtu siç ka bërë Greqia.
“Ai flet si një mundësi të mundshme në rast se mosmarrëveshja jonë me Bullgarinë zgjatet për vite dhe vite, ashtu sikur me Greqinë. Ju siguroj se në bisedën time me Varhej dhe në bisedat e mia në Bruksel 10 ditë më parë, absolutisht në asnjë nivel, asnjërit prej bashkëbiseduesve të mi nuk iu bë kjo pyetje në lidhje me atë që ne mendojmë për një ndarje të mundshme nga Republika e Shqipërisë. Tekstualisht të gjithë në këshill dhe në komision dhe në departamente e veçanta, veçanërisht ai për zgjerim, nuk mendojnë për ndarjen, por të gjitha përpjekjet janë përqendruar në mbajtjen e konferencës së parë ndërqeveritare deri në fund të këtij viti”, deklaroi Pendarovski.
Ashtu si Maqedonia e Veriut, edhe Gjeorgjia po pret anëtarësimin në Bashkimin Evropian. Presidentja e Gjeorgjisë në vizitë zyrtare me Pendarovskin deklaroi se shtetet e vogla janë optimiste dhe duhet të jenë këmbëngulës në këtë rrugë.
“Ne kemi mësuar se duhet të jeni këmbëngulës dhe kokëfortë duhet të dini se në çfarë drejtim jeni duke shkuar. Ne vendet e vogla jemi optimiste. Për Gjeorgjinë arritja e Maqedonisë së Veriut të bëhet anëtare e NATO-s është një arritje dhe sinjal i madh që dyert e NATO-s janë vërtetë të hapura. Kjo neve na jep një optimizëm. Dhe hapja e negociatave me Bashkimin Evropian është një sinjal pasi që kjo është një perspektivë e përbashkët”, tha Salome Zurabishvili presidentja e Gjeorgjisë.
Se duhet të jemi këmbëngulës dhe kokëfortë për të hyrë të Bashkimin Evropian u pajtua edhe presidenti Pendarovski.
“Po mirë e thatë duhet të jemi këmbëngulës dhe kokëfortë”.