Pas gjashtë muajsh u rihapën çerdhet, prindërit presin në oborre pa distancë

Nga brenda gjithçka është në bazë të protokolleve. Në hyrje ka dezinfektues, temperatura u matet çdonjërit fëmijë. Në derë ka edhe fletueshka ku u tregohet fëmijëve se si duhet të mbajnë higjienë për t’u mbrojtur nga Kovid-19 derisa janë në çerdhe.

Edhe pse dukej se gjithçka shkonte sipas protokollit, prapëseprapë pati lëshime.

Këta prindër i kishin dorëzuar vërtetimet, por fëmija i tyre nuk gjendej në listë dhe edukatoret nguronin ta fusnin brenda. Nguronte edhe fëmija. (2169).

“Ne i kemi dorëzuar të dy vërtetimet. Mirë mua këtë ma kanë dhënë. Shkoni dhe shikoni ju te zyrat se janë të dy vërtetimet. Ka shkruar se të dy prindërit duhet të jenë në punë. Tash mund të vonohemi edhe për punë. Tre ditët e para vetëm një orë. A fatkeqësisht ky nuk ka me kë të qëndrojë se ne jemi veçse në orar të punës”, tha një prind.

Pasi kaloi ora 8, në oborrin e çerdheve u krijua turmë

.

Prindërit nuk i kushtonin rëndësi distancës, por protokollet i cilësonin si të mira. Të gjithë ndanin mendimin se fëmijët e tyre janë të sigurt në çerdhe.

“Besoj se janë të përgatitur. Jam prind që me vite i dërgoj fëmijët në çerdhe.
Kush është kujdesur për fëmijët derisa  nuk kanë të hapur çerdhet? Unë jam kujdesur, sepse kam punuar. Tash duhet të kthehem në punë”, u shpreh një prind tjetër.

“Për mendimin tim do të thosha se fëmijët ndoshta do të jenë të sigurt nëse çerdhet janë të pastra, kanë rregull, mbajnë pastërti. Për orarin do të thosha se është në rregull prej në 8. E kam edhe një fëmijë më të vogël, për atë kujdesët nëna, tash kjo pak më e madhe dhe duhet të merr një lloj adaptimi dhe të jenë në kontakt me fëmijë të tjerë”, shtoi një prind tjetër.

“Mendoj se jam e sigurt. Për atë edhe i kemi sjellë. Mendoj se siguria është në nivel”, theksoi një prind.

Rihapjen e çerdheve nga afër e ka ndjekur edhe ministrja e Punës dhe Politikës Sociale, Jagoda Shahpaska. Ajo qëndroi në çerdhen “Bubamara” në komunën e Aerodromit nga ku dërgoi apel për prindërit dhe edukatoret.

“Apeloj te të gjithë të personat që janë të përfshirë në këtë proces për kujdesin e më të vegjëlve, gjatë dyshimeve më të vogla, për paraqitjen e simptomave të cilat mund të asoconin në infektim nga Kovid-19, duke filluar nga prindërit në shtëpi, edukatoret, çdo simptom të vogël ta denoncojnë dhe ta denonsojnë te autoritetet shëndetësore”, theksoi Ministrja për Punë dhe Politik Sociale, Jagoda Shahpaska.

Në rast se simptomat paraqiten derisa fëmijë është në çerdhe, izolohen në dhoma të veçanta. Në klasa mund të qëndrojnë nga 6 fëmijë në distancë prej 1 metrash. S’ka lodra në çerdhe, ndërkaq aktivitetet për zhvillim të motorikës do të zhvillohen në ambiente të hapura.

Çerdhet po rihapen pas 6 muajsh, kjo për shkak të masave anti-kovid.