Pas 42 vjetësh, djali i kidnapuar si foshnje takohet me nënën e tij

Jimmy Lippert Thyden thotë se ai gjithmonë e dinte se ishte i birësuar. Ai gjithashtu e dinte se kishte lindur jo në Shtetet e Bashkuara, por në Kili. I rritur në Virginia nga prindër birësues shumë të dashur dhe të përkushtuar, ai thotë se nuk i ka munguar kurrë asgjë. 42-vjeçari që shërbeu në marinën e SHBA-së tani është një avokat i martuar dhe ka dy vajza të vogla.

“Më thanë se më dhanë për birësim nga dashuria”, tha Thyden. “Dhuruar nga një nënë që më donte dhe donte më të mirën për mua: një jetë plot mundësi, edukim dhe kuptim”.

Gjithçka filloi të ndryshonte në vitin 2012 kur nëna e tij birësuese i dha atij dokumentet e tij të birësimit ndërsa po përgatitej të dërgohej në Afganistan. Thyden thotë se kur filloi të shikonte nga afër dosjet e birësimit, zbuloi se kishte shumë mospërputhje.

“Kishte tre ose katër rrëfime të ndryshme të një historie që ishin aq divergjente sa nuk mund të ishin të gjitha të vërteta”, tha Thyden për CNN.

Ai e kuptoi më vonë se faktikisht ishte kidnapuar si foshnje. Zyrtarët thonë se numri i foshnjave të kidnapuara mund të jenë mijëra.

Edhe pse e vërteta ishte e dhimbshme, Thyden më në fund e mori vesh origjinën e tij dhe atë që nëna biologjike kishte kaluar kur ia kidnapuan fëmijën.

Thyden udhëtoi në Kili për ta përqafuar të ëmën biologjike por iu deshën 42 vjet për këtë.