Partitë bullgare kërkojnë shkarkimin e Nikolloskit/ Nikolloski: Të korruptuarit dhe të padenjë kërkojnë dorëheqjen time

Të  padenjë dhe të korruptuar – kështu i ka vlerësuar zëvendëskryeministri Aleksandar Nikolloski politikanët bullgarë që kërkuan shkarkimin e tij, ndër të cilët edhe ish-kryeministri bullgar Bojko Borisov. Kjo vjen pasi Nikolloski e quajti Rumen Radevin të paqytetëruar dhe shtoi se për dallim nga Bullgaria, “vetëm shërbëtorët vendas që nënshkruan se populli maqedonas dhe bullgar kanë një histori të përbashkët, janë më të mjerë”. Ai tha se një pjesë e intervistës është nxjerrë jashtë kontekstit në Bullgari, por se qëndron pas asaj që e ka thënë.

Dorëheqjen e Nikolloskit paraprakisht gjatë ditës e kërkuan të gjitha partitë më të mëdha në Bullgari si dhe ish-kryeministri Bojko Borisov.

Edhe nga partia e ish kryeministrit Kiril Petkov vlerësuan se fjalimi i Nikolloskit është i patolerueshëm.

Nga kabineti i Radevit deklaratën e Nikolloskit e vlerësuan si skandal i orkestruar. Sipas tyre, struktura qeveritare në vend janë të shqetësuara për shkak të dialogut konstruktiv që Radevi e ka pasur me presidenten Gordana Siljanovska Davkova.