Parisi dhe Marseja janë shpallur zona të rrezikshme nga koronavirus i ri, pasi autoritetet regjistruan një rritje të shpejtë të infeksioneve, kumtoi sot drejtori shërbimit francez të shëndetësisë, Zherom Solomon. Qeveria lëshoi sot një dekret që lejon autoritetet të vendosin masa më të rrepta në zonat e Parisit dhe Marsejës.
Ai paralajmëroi se “situata në vend po përkeqësohet javë për javë”.
Solomon deklaroi që klasterët e virusit shfaqen çdo ditë pas tubimeve familjare, ahengjeve të mëdha dhe tubime të tjera gjatë pushimeve të verës.
Agjencia Kombëtare Shëndetësore i regjistroi dje 2.669 infeksione të reja, me ç’rast shkalla e infeksionit në Francë në 100.000 persona është mbi 30.