Moti paradite në disa lugina do të jetë me mjegull dhe vranësira të vogla, ndërsa gjatë ditës do të jetë i ndryshueshëm me periudha dielli.
Në orët e mbrëmjes dhe gjatë natës duke filluar nga verilindja do të ketë rritje të vranësirave dhe reshjeve të përkohshme të shiut, ndërsa në viset më të larta borë e lehtë ku deri në orët e mëngjesit reshjet do të ndalen.
Temperaturat minimale do të sillen prej -6 deri 2 gradë, ndërsa ajo maksimale do të arrijë prej 7 deri 14 gradë Celsius.
Në Shkup moti do të jetë i ndryshueshëm me periudha dielli. Në orët e mbrëmjes dhe gjatë natës do të ketë reshje të përkohshme të shiut. Temperatura e mëngjesit do të zbresë deri -4, ndërsa ajo maksimale do të arrijë deri në 10 gradë.
Prej nesër pason periudhë e motit stabil dhe me diell me vranësira të vogla deri mesatare. Në orët e paradites nëpër disa lugina do të ketë paraqitje të mjegullës dhe vranësirave të vogla. Temperaturat e mëngjesit dhe ato gjatë ditës do të jenë në rritje që do të shkaktojë shkrirje të shpejtë të sipërfaqes së borës.