Papa: Të përgatitemi për një të ardhme pa pabarazi

Papa Françesku sot u bëri thirrje besimtarëve që ta shfrytëzojnë “kohën e tundimit” nga pandemia e koronavirusit që të përgatiten për një të ardhme në të cilën nuk do të ketë pabarazi dhe më të varfrit më nuk do të lihen pas dore.

“Kjo nuk është ndonjë ideologji. Ky është krishterim”, ka thënë Papa.

Papa Françesku sot doli disa rrugë jashtë mureve të Vatikanit për të mbajtur meshë në kishën e “Frymës së Shenjtë” në prani të vetëm një numri të vogël të priftërinjve, për shkak të masave të rrepta kundër përhapjes së virusit në Itali.

Në fjalimin e tij Papa tha se serioziteti, kriza globale me pandeminë e përkujton botën se nuk ka kufij mes vuajtjeve ose dallime në kombësi mes atyre të cilët janë prekur ose jo.

“Duhet thellë të na tronditë e tërë kjo që po ndodh rreth nesh”, ka thënë kreu i Kishës katolike të Romës.

Ai theksoi se ka ardhur koha që të mënjanohen pabarazitë dhe të “shërohet padrejtësia që e rrezikon shëndetin e tërë njerëzimit”./MIA