Në provincën pakistaneze Baluxhistan gjatë një sulmi të armatosur humbën jetën së paku 11 punëtorë në minierën për thëngjill, ndërsa tre ishin lënduar, kumtuan autoritetet lokale.
Persona të panjohur mbrëmë e sulmuan minierën dhe hapën zjarr mbi punëtorët.
Të lënduarit menjëherë janë dërguar në spital, por tani për tani nuk dihet gjendja e tyre shëndetësore.
Hetimi është në vijim dhe deri tani askush nuk ka ndërmarrë përgjegjësi për incidentin.