Bisedimet që synonin tejkalimin e kundërshtimeve të Turqisë ndaj anëtarësimit të Suedisë dhe Finlandës në NATO janë ndërprerë pa asnjë shenjë përparimi.
Një zyrtar i lartë turk tha se bisedimet midis vendeve patën pak përparim dhe i tha agjencisë së lajmeve Reuters se nuk është një proces i lehtë. Negociatat do të vazhdojnë, por nuk është caktuar një datë për to, shtoi burimi.
Të 30 anëtarët e NATO-s, përfshirë Turqinë, duhet të miratojnë aplikimet nga Suedia dhe Finlanda për t’u bashkuar me aleancën perëndimore të sigurisë, përcjell rtv21.
Por Turqia i ka sfiduar pasi akuzoi të dy vendet se strehojnë persona të lidhur me terroristët kurdë, një pretendim i mohuar nga Suedia dhe Finlanda.
Disa analistë e shohin qëndrimin e Turqisë si një përpjekje për të fituar lëshime nga anëtarët e tjerë të NATO-s./21Media