Problemi më i madh në shtet nuk është mosrepsktimi i masave për mbrojtje nga virusi korona, por lajmet e rreme të cilat dominojnë dhe të cilët i kontestojnë faktet empirike të institucioneve, kështu ka deklaruar zëvendëskryeministri për Çështje Evropiane, Bujar Osmani. Siç theksoi ai, tash është koha që Qeveria në mënyrë radikale dhe drastike të ndërmarrë aksion kundër burimeve të këtyre lajmeve të rreme dhe teorive të konspiracionit.
Ai ka thënë se për shkak të këtyre lajmeve të rreme, qytetarët nuk besojnë se virusi është i rrëzikshëm dhe nuk i respektojnë masat.
“Problemi më i madh për momentin është ajo se dominojnë lajmet e rreme të cilat për fat të keq nuk kanë arritur t’i theksojnë faktet empirike të cilat i tregojnë institucionet. Sot kemi situata kur na paraqiten kushërinj në celularë të intervenojmë në Klinikën Infektive që mos t’i vendosin në respiratorë, sepse ka dyshime te njerëzit se nëse shkojnë në Klinikën Infektive nuk do të dalin të gjallë, dhe për këtë i fshehin simptomat dhe 33 për qind e të hospitalizuarve tashmë arrijnë vonë, pas 8 dhe 9 ditë mjekim në kushte shtëpiake, sepse dikush ka shpërndarë lajme të rreme se në Klinikën Infektive i mbysin pacientët”, tha Osmani.