Osmani për kufijtë: U desht t’i hapim para disa ditëve por rastet e reja nuk na lejojnë

TË FUNDIT

Ende asgjë nga hapja e kufijve të RMV. Përderisa shtetet fqinje kanë hapur pikat kufitare me vendin tonë, e njëjta nuk dihet se kur do të ndodh te ne.

Zv/kryeministri Bujar Osmani tha se Qeveria deshi t’i hap kufijtë dhe të lejojë lëvizjen e qytetarëve drejt vendeve tjera, por rastet e reja e ngatërruan punën.

“Unë kam theksuar disa herë se ne kemi pasur plan që disa ditë më herët veç më t’i hapim kufijtë dhe gjithçka ka qenë gati. Disa herë është çelur tema në shtab, mirëpo këto zhvillimet e fundit, me numrat e ri të të infektuarve na e kanë pauzuar këtë vendim. Do të ndjekim në bazë ditore se si do rrjedhin numrat dhe do të marrim vendim.” – Tha Bujar Osmani në pyetjen e TV21 se kur pritet që të hapen kufijtë.