Orce Kamçev dërgohet në paraburgim! Menkinovski: Në vendin tonë gjykohet pa prova

Orce Kamçev prej sot do të qëndrojë në paraburgim 30 ditor në burgun e Shutkës. Prokuroria për Krim të Organizuar kërkoi paraburgimin e tij për shkak të informacioneve të mundshme për arratisje jashtë vendit. Avokati i tij Toni Menkinovski, thotë se ky vendim është kontradiktor, sepse në mëngjes, Kamçev është ndalë në Stacionin policor në Karposh, për mashtrime zgjedhore, ndërsa në gjykatë i është thënë se ka informacione për arratisjen e tij për shkak të hetimeve për blerjen e paligjshme të parcelave në Vodno.

“Në Ditën e Faljes, një  ditë të tillë t’i caktohet paraburgim pa kurrfarë baze është vetëm shprehje e sadizmit nga institucionet e sistemit. 01.08- Të gjitha masat për këtë lëndë, e cila zgjat më shumë se sa afatet e parapara ligjore janë përmbushur, ndërsa ende nuk është ngritur aktakuzë.  Është dhënë kapital si garanci. Janë dhënë pasaportat dhe Orce Kamçev edhe po të donte nuk do të mundte ta lëshojë vendin”, tha Toni Menkinovski – avokat i Orce Kamçev.

Informacionin për arratisjen e mundshme të Kamçevit, e kishte dhënë Agjencia për Siguri Kombëtare, pas çka ka njoftuar Prokurorinë, por avokati Menkinovski thotë se informacioni i tillë nuk është prezantuar as nga prokuroria e as nga gjykata.

 “Nuk na janë prezantuar dokumentat nga Agjencia për Siguri Kombëtare. Dua të shtoj bile se edhe vendimin për paraburgim nuk na e sjelli gjykatësi paraprak por personi që mban shënime aty. Me siguri i vinte turp të na shifte në sy”, shtoi avokati i Orce Kamçevit, Toni Menkinovski.

Biznesmeni Orce Kamçev do të qëndrojë në paraburgim 30 ditor, me kërkesë të prokurores Lile Stefanova, e cila lëshoi gjykatën nga gjykata pa u pronocuar për media.

Paraburgimi prej 30 ditëve iu caktua si i dyshuar në hetimin për “Parcelat në Vodno”. Rastin “Parcelat në Vodno”, e ka hapur PSP-ja, gjegjësisht prokurorja Lile Stefanova. Për këtë rast, për prokurorinë përveç Orce Kamçev të dyshuar janë edhe Nikolla Gruevski, Sasho Mijallkov, nëna e  Kamçevit, Risto Novaçevski dhe një person tjetër. Kamçev përveç kësaj është i dyshuar edhe në lëndën “Perandoria”.