Ora policore, nuk do të funksionojë transporti publik i Shkupit

Ndërmarrja e Qarkullimit Publik të Shkupit ka njoftuar se për shkak të orës policore nuk do të qarkullojnë as autobusët e transportit publik.

Ndalesa do të fillojë prej sot, në ora 21 të mbrëmjes dhe do të përfundojë të hënën në ora 5 të mëngjesit.

“Kjo ndërprerje e përkohshme është për shkak të vendimit të Qeverisë së Maqedonisë së Veriut që të ketë kufizim të lëvizjes së popullatës në territorin e Shkupit gjatë periudhës së theksuar”, njoftuan nga NQP-ja.

Sot autobusët do të lëvizin deri në ora 21:00, ndërkaq itinerari do të jetë i ditës së shtunë, në përjashtim të autobusëve në ora 9, 19, 20 dhe 23 të cilët do të qarkulloj me itinerar të reduktuar.