Ora policore në Tetovë! Në qendër respektohet, në lagjet përreth pjesërisht

Ora policore në Tetovë respektohet vetëm në qendër të qytetit, ndërsa në lagjet përreth mund të shihen qytetarë të cilët lëvizin në rrugë, por edhe duke punuar. Ata nuk duan të flasin para kamerave por thonë se janë mërzitur në shtëpi dhe duan të qëndrojnë jashtë sidomos kur edhe koha është me diell.

Senat Zylbehari, gazetar:

“Gjatë 24 orëve të fundit 10 persona nuk e kanë respektuar orën policore,  ndërsa nga periudha kur Qeveria ka sjellë vendim  për mbajtje të obligueshme të maskave rreth 300 qytetarë kanë marrë vërejte, ndërsa 122 qytetarë janë dënuar me padi adekuate”.

Në qytetin e Tetovës dhe komunave përreth gjatë ditës së sotme janë shënuar edhe pesë raste të reja me Covid-19 me çka numri i përgjithshëm i të diagnostikuarve është 176.  Deri më tani janë shëruar 80 persona kurse 16 kanë ndërruar jetë.

Numri i të infektuarve në Tetovë:

-Komuna e Tetovës 84 (6 kanë ndërruar jetë)

-Komuna e Bogovinës 47 (6 kanë ndërruar jetë)

-Komuna e Tearcës 18

-Komuna e Bërvenicës 15 (1 ka ndërruar jetë)

-Komuna e Jegunovcës 5

-Komuna e Zhelinës 7 të infektuar (3 persona kanë ndërruar jetë)

Pesë rastet pozitiv të ditës së sotme janë nga vendbanimet  Poroj , Xhepçisht,  Sllatinë dhe Bërvenicë. Në qytetin e Tetovës 179 persona janë në izolim dhe 7 në vetëizolim.