Qeveria është e paaftë që të përballet me krizën e korona virusit dhe me imunizimin e popullsisë, ndërsa masat e disa ditëve më parë vetëm e vërtetuan këtë, akuzon opozitarja VMRO-DPMNE.
“Paramendoni, pushteti ka arritur çmendurinë edhe atë vetëm me një lëvizje. Thonë se vetëm qytetarët e vaksinuar do të mund të shkojnë nëpër objekte hotelierike, ndërsa të pa vaksinuarit nuk guxojnë. Por, kur bëhet fjalë për të punësuarit nëpër objektet e hotelerisë e që duhet t’i shërbejnë mysafirët e vaksinuar, ato nuk është patjetër të jenë të vaksinuar ose siç thotë Qeveria të gjithë të punësuarit në sektorin e hotelerisë do të shkojnë në punë”, deklaroi Dimçe Arsovski nga VMRO-DPMNE-ja.
Koalicioni ASh-AAA, masat e reja shtrënguese të Qeverisë, i quan kushtëzime dhe obligime. Sipas tyre kjo rrit skepticizmin dhe frikën për vaksinim, ndërsa dëmtojnë ekonominë e vendit. Kërkojnë heqjen ose modifikimin e masave të fundit dhe krijimin e masa të reja në bashkëpunim me profesionistët e fushës.
“Si koalicion opozitar kërkojmë heqjen e masave apo modifikimin e tyre në bashkëpunim me profesionistët e fushës. 11.24 Të formohet një komision me punëtorë shëndetësor, me profesorë të fushës të cilët gjithë kohës japin propozime, por edhe parashikime të cilat çdo herë kanë dalë ashtu siç e kanë paramenduar ato. Prandaj propozoj që sa më shpejtë këta profesionistë të integrohen”, tha Bekim Tateshi nga ASh-AAA-ja.
Arritja deri te imuniteti kolektiv do të jetë shumë e rëndë dhe është shumë larg, ndërsa vala e katër është shumë agresive, vlerëson koalicioni Aleanca për Shqiptarët dhe Alternativa. Si koalicion janë për vaksinim, por jo me kushtëzime dhe në formën që po e bën Qeveria, ndërsa shtojnë se një mënyrë e mirë për t’i bindur qytetarët që të vaksinohen është edhe përmes apelit që mund ta bëjnë krerët fetarë.