OJQ-të kërkojnë hetim për zhdukjen e Mijallkovit, Spasovski: Hetimi është në vijim

TË FUNDIT

Për zhdukjen disa ditore të Sasho Mijallkovit, organizatat joqeveritare kërkojnë hetim të shpejtë dhe tërësor. Ata vlerësojnë se është i domosdoshëm konstatimi i përgjegjësisë nga ana e organeve kompetente , mes tjerash kërkohet që të sanksionohen të gjithë personat udhëheqës dhe zyrtar, të cilët nuk i kanë respektuar aktet ligjore, me çka kanë ndihmuar që i akuzuari Mijallkov të bëhet i pakapshëm për organet.

“Vlerësojmë se kjo arratisje ka ndodhur pikërisht për shkak mungesës së reagimit përkatës, për lëshimet dhe jopërditësimin e institucioneve, që kanë mundësuar arratisjen nga vendi të Nikolla Gruevskit, i cili ishte i dënuar me dy vjet burg me aktgjykim të plotfuqishëm në rastin “Tanku”, si dhe të tre personave tjerë. Njohuritë e fituara për ping-pong institucional dhe shkresa të panevojshme nga momenti kur janë fituar indiciet për arratisjen e të akuzuarit Mijallkov, deri në momentin kur i janë zhdukur gjurmët, e konstatojnë jo përditësimin e organeve kompetente në luftën kundër krimit”, thonë nga Komiteti i Helsinkit, Koalicioni për gjykim të drejtë dhe Fondacioni për Shoqëri të Hapur – Maqedoni.


Ata thonë se do të insistojnë në hetime me çka do të konstatohet përgjegjësia për lëshimet në veprimin e Prokurorisë Themelore Publike për Ndjekjen e Krimit të Organizuar dhe Korrupsionit, Ministrisë së Punëve të Brendshme dhe Agjencisë për Siguri Nacionale. Njeriu i parë i policisë, Oliver Spasovski tha se për momentin po i sigurojnë materiale dhe dëshmi Prokurorisë për mungesën e ish drejtorit të Policisë Sekrete.

“Në tërësi po zhvillohet hetim në kuadër të Prokurorisë publike, të gjitha aktivitetet që jemi të obliguar t’i kryejmë, të sigurojmë dëshmi etj, i paraqesim dhe i parashtrojmë në Prokurorinë Publike. Kur të ketë mundësi ligjore për t’u ndarë këto detaje me opinionin, sigurisht se kjo do të bëhet.”, deklaroi Oliver Spasovski.

Në mbrëmjen e se dielës më 21 shkurt, u përhap informacioni se Sasho Mijallkovi është arratisur pasi që ai ishte i pakapshëm për policinë, e kjo ndodhi pikërisht para se gjykata ta shpallë aktgjykimin për rastin “Target-Fortesa” në të cilin ai është i dyshuar se e ka kryer përgjimin masiv në RMV.

Mijallkov i cili tri ditë u kërkua nga autoritetet, të martën u paraqit papritmas në Prokurori në Shkup ta marrë vendimin për arrestin shtëpiak. Ai tha se ka qenë i sëmurë dhe se nuk është arratisur, siç u njoftua në opinion. Mijallkov, momentalisht është në paraburgim në burgun në Shkup deri në hyrjen në fuqi të dënimit, përkatësisht deri në fillimin e mbajtjes së dënimit prej 12 viteve.

TË NGJAJSHME