Ohri i stërmbushur me turistë! Mund të jetë një vatër e re e koronavirusit

Pa zhurmë e pa trafik, Shkupin e lam në orë policore dhe shkuam në Ohër.

Aty na pritën fluks i madh i turistëve, të cilët nën rrezet e diellit dhe valët e liqenit shëtisnin në qendrën e Ohrit dhe bregut të liqenit.

Edhe pse në ditën kur u shënua numri rekord i të infektuarve, shëtitjet bëheshin në grupe, pa distancë fizike dhe pa maska. Të paktë ishin ata që mbanin maskë dhe këta kishin ardhur nga Shkupi. Kishin ikur nga ora policore e cila është 80 orëshe.

Turisti: “Keni ardhur në Ohër për shkak të karantinës se do të ishit të mbyllur? Po. Ka shumë njerëz, por ka pasur edhe më shumë.  Ku jeni të akomoduar?                 Te disa miq”
Turiste: “Këtu kemi banesë, jemi nga Shkupi. Keni ardhur në Ohër për shkak të karantinës se do të ishit të mbyllur? Jo, ne jemi këtu që 10 ditë. Ndoshta edhe shtatorin mendojmë ta kalojmë për shkak se kemi foshnje”

Për turistët të preferuara ishin edhe kafenetë. nuk mund të shihte syri tavolinë të zbrazët, e në disa prej tyre kishte edhe më shumë se 4 veta që është në kundërshtim me protokollin. Kjo i gëzonte më shumë hotelierët.

Kamarieri: “Unë nuk mund t’i identifikoj, në përgjithësi nga i gjithë vendi. Më shumë nga Shkupi! Po, sipas asaj që shkruajnë mediat, me shumë gjasa janë nga Shkupi. Por ka edhe të tjerë”.

Por fatin e kafeneve nuk e kishin edhe subjektet e tjera ekonomike. Disa prej tyre shqetësoheshin me fluksin e madh të turistëve, sepse kjo mund ta shndërronte Ohrin në vatër të virusit Kovid-19.

Fotograf: “Presim që të shkojnë të gjithë në shtëpi. Ja, do të bie shi tani, aq. . . Asgjë, katastrofë. Ende nuk kam bërë asnjë. Unë jam fotograf dhe nuk ka. Desha të fotografoj fëmijët falas, nuk donin. D.m.th. pa para, jo me para. Është katastrofë e madhe. Të ju tregoj kështu, tre a katërve që Ju ofrova, të gjithë ishin nga Shkupi”

Turistët i prisnin edhe policët, të cilët patrullonin në qytet.

E shqetësuar është edhe epidemiologia e vetme e Ohrit Jovanka Sturllakova. Qendra sot nuk punonte, por kishte realizuar 22 testime pasi pacientet ishin paraqitur me simptome si kollitje dhe temperaturë e lartë mbi 38. Tash Ohri ka 4 raste aktive, por epidemiologia pret që pas dy javësh numri do të rritet. Shkaku sipas saj është pikërisht fluksi i kësaj fundjave.

“Sigurisht se presim që për 10 deri në 14 ditë të kemi numër të madh të të infektuarve. Ndërkaq në Ohër që nga fillimi I epidemisë deri tash kemi 23 të infektuar, prej të cilëve aktiv janë vetëm 4, ndërkaq të tjerët janë shëruar të gjithë”, tha Jovanka Sturllakova, epidemiologe.

Ndërmarrja publike “Rrugë shtetërore” ka njoftuar  se dje nga Shkupi kanë dalë mbi 20 mijë vetura, e sipas zëdhënësit të Sektorit për Punë të Brendshme, Stefan Dimovski gjysma kanë hyrë në Ohër.

“Është evidente që prej dje është rritur dukshëm numri I qytetarëve të cilët krahas nga Ohri vijnë edhe nga qytete të tjera. Gjithashtu ështër rritur edhe numri frekuentimit të veturave në trafik, është rritur numri i automjeteve rrugore të cilat në qytet kanë arritur nga mbrëmë. Unë nuk do ta komentoja numrin, por supozoj se sipas vlerësimeve tona se gjysma e atyre veturave janë këtu në Ohër,” tha Stefan Dimovski, SPB Ohër.

Veturat e tjera kanë shkuar në Mavrovë e Dojran.

Komuna nuk ka ndërmarrë asnjë masë shtesë për të parandaluar pasojat, pasi siç sqaroi këshilltari i Lëvizjes Besa, Xhemal Mena, kryetari i Ohrit Konstatin Georgievski kohë më parë kishte kërkuar që të kufizohen hyrjet në këtë qytet, por kjo kërkesë nuk ishte pranuar.

“Këtu është i rëndësism edhe vetëdijësimi i qytetarëve. Çfarëdo mase që të marrë policia, nëse nuk i respektojnë është e kot,” tha Xhemal Menal, këshilltar i Ohrit. Nëse tek sa shkuam na shoqëronin vetura edhe të funskionarëve e deputetëve të cilët shkonin në Ohër, kur u kthyem, meqë Ohrin e kapi ora pociore e cila fillon në ora 16 deri në ora 5 të ditës së nesërme, në rrugë mund të hasje vetëm postoblloqe policore.