Pas shtatë javësh Sindikata e Drejtorisë së librave amë e pezulloi grevën. Nga nesër të gjitha zyrat e kësaj drejtorie do të vazhdojnë punën dhe do të jenë në dispozicion të plotë të qytetarëve. Kjo pasi mes drejtorisë dhe sindikatës u nënshkruar marrëveshje kolektive për përmirësimin e të drejtave të punonjësve. Mirëpo këtë vit nuk është paraparë rritje pagash për 30% siç ishte kërkuar, tregon drejtori i Librave amë Blerim Abazi.
“U morëm vesh që unë si drejtor mora obligimin që vitin e ardhshëm në propozim buxhetin për vitin 2023, të merret parasysh rritja e pagës. Këtë vit qeveria në pajtim me planin për rritje të pagave, për këtë arsye kemi dërguar informacion deri në qeveri për të parë se çfarë zgjidhje do të na japin”, deklaroi Blerim Abazi, drejtor i Drejtorisë së Librave Amë.
Greva nuk anulohet por do të shtyhet deri më 20 korrik, pasi ka ende një pjesë të pazgjidhur në aspektin financiar, d.m.th. rritja e pagave për 30% që kërkojmë që nga fillimi i negociatave u shpreh kryetari i sindikatës së pavarur për udhëheqjen e Librave amë.
“Siç tha drejtori, disa nga punët që u morëm vesh janë për K-15, punën gjatë ditës së shtunë që deri tani nuk na paguhej, shpërblimet për jubile nuk na jepeshin e tani do të jepen, u morëm vesh edhe për sistematizimin e punonjësve ngaqë periudhë të gjatë nuk janë korrigjuar, tani do të korrigjohen me marrëveshjen kolektive që hy në fuqi”, tha Toni Millosheski, Sindikata e pavarur e DLA.
Marjan Risteski nga Konfederata e Sindikatave tha se ka shpresë që Qeveria do të plotësojë të gjitha kërkesat e tyre.
“Në pjesën që ka të bëjë me financat, ne si Federatë tashmë kemi disa kontakte me Qeverinë dhe shpresoj se kjo iniciativë e udhëhequr nga LSM është dakorduar për 2806 denarë për harmonizim të pagave. E njëjta gjë do të vlejë edhe për këtë kategori të punonjësve në Drejtori. Shpresoj që të jetë gjatë muajit të shtatë, që të ketë ende një hapësirë të vogël për financat, nga përqindja e kërkuar nga punonjësit”, pohoi Marjan Risteski, përfaqësues i KSM.
Nëse deri më 20 korrik nuk pranohet kërkesa për rritje pagash, sindikalistët thonë se mund të riaktivizohet greva apo të shprehin pakënaqësinë në mënyrë tjetër. Të pyetur për gabimet dhe lëshimet që bëhen në certifikata të lindjes, Millosheski thotë se qytetarët janë ata që bëjnë lëshime gjatë dhënies së të dhënave.