Oda e përmbaruesve dje e lëshoi një rekomandim për anëtarët e saj që të zhbllokojnë përkohësisht llogaritë e atyre qytetarëve që realizuan të drejtën e ndihmës prej 6.000 denarëve nga paketa e katërt e masave ekonomike për të menaxhuar me pasojat e Kovid-19, dhe pasi të kenë tërhequr mjetet financiare, përsëri të bllokohet llogaria.
Rekomandimi, siç theksojnë ata, u dha sepse nuk ka zgjidhje se si të tërhiqni para nga llogaritë e bllokuara në ato banka ku nuk hapet një llogari e posaçme.
“Një rekomandim i tillë nga Oda për anëtarët e saj i referohet vetëm procedurave që kryhen në përputhje me Ligjin për zbatimin. Oda gjithashtu u rekomandoi anëtarëve të saj që gjitha mjetet e paguara ndaj përmbaruesve nga ana e debitorëve që marrin ndihmë të tillë, e njëjta shumë t’u kthehet atyre nëse dorëzojnë dëshmi të përshtatshme nga ana e debitorëve tek përmbaruesit”, sqaruan nga Oda.
Me këtë zgjidhje të propozuar, shtojnë ata, ekziston mundësia që debitori të tërheqë nga llogaria dhe paratë që janë jashtë ndihmës shtetërore, por nuk ka zgjidhje tjetër.
“Shpresojmë që qytetarët – kreditorët të kenë mirëkuptim për veprime të tilla”, theksojnë nga Oda e përmbaruesve.