Tregu në qytetin kinez Vuhan ka luajtur rol në shpërthimin e koronavirusit vitin e kaluar, si burim apo eventualisht si “mjedis të përforcuar”, vëri të ditur sot Organizata Botërore e Shëndetësisë dhe bëri thirrje të bëhen më shumë hulumtime.
“Tregu ka luajtur rol në ngjarjet ko është e qartë, por çfarë roli – nuk e dimë, pa dallim nëse bëhet fjalë për burim apo efekt përforcues apo vetëm ishte vetëm rastësi që ishin zbuluar disa raste në dhe rreth atij tregu”, deklaroi dr. Piter Ben Embarek, ekspert i OBSH-së për siguri të ushqimit dhe viruseve zoonotike, të cilat kalojnë nga kafshët te njerëzit.
“Nuk është e qartë nëse kafshët e gjalla apo furnitorë apo klient të infektuar e sollën virusin në treg”, deklaroi ai në konferencë për shtyp.
Ai potencoi se hulumtuesve u është dashur një vit që t’i njohin devetë si burim i virusit MERS, lloj koronavirusi i cili u paraqit në Arabinë Saudite në vitin 2012 dhe u përhap në Lindjen e Mesme.
“Kjo që është me rëndësi tani, që do të ishte me rëndësi të madhe, është të vihet deri te virusi para përshtatjes së tij te njerëzit, virus para versionit të cilin tani e kemi, sepse në këtë rast do të kuptojmë si është përshtatur te njerëzit dhe si është zhvilluar”, potencoi Embarek.
“Kur bëhet fjalë për hetime, Kina me siguri e ka të gjithë profesionalitetin e nevojshëm për një hulumtim të këtillë. Ata nuk kanë hulumtues shumë cilësorë”, potencoi eksperti i OBSH-së./MIA