Numri i të infektuarve assesi të bie! Masat restriktive s’janë më opsion, personeli mjekësor në rotacion

Numri i të infektuarve nga Kovid-19 assesi të bie nën 100 ditëve të fundit. Në vend sot janë regjistruar 103 raste të reja dhe 5 viktima, ndërkohë që numri i të shëruarve nuk është shumë optimist, pasi janë shëruar vetëm 13 pacientë. Rritjen e numri të të infektuarve ministri i Shëndetësisë, Venko Filipçe e arsyetoi me mosrespektim të masave dhe heqjen e masave restriktive.

Megjithatë, edhe pse kemi rritje të të numrit të të infektuarve, më nuk shihet si opsion rikthimi i masave restriktive.

“Kthimi i masave restriktive nuk është opsion i mirë, sepse çdo lirim i serishëm do të na ballafaqojë me rritje të numrit dhe kjo do të thotë se mund të kthehemi në fillim. Nëse nuk e kuptojmë se edhe gjatë do të jetojmë me virusin dhe duhet të përmbahemi në masat, atëherë rastet mund të rriten,” tha Venko Filipçe, ministër i Shëndetësisë.

Por a ka kapacitet spitalor që të mbulohen të gjitha këto raste të reja? Ministri Filipçe thotë se ka shtretër të lirë, pasi vetëm 13 për qind e të infektuarve mjekohen në kushte spitalore. Siguron gjithashtu se ka edhe kuadër mjekësor, pasi tashmë ka nisur rotacioni i tyre.

“Sa i takon kapacitetit të spitaleve, ka shtretër të lirë. Një pjesë të personelit mjekësor që është në shtëpi në vetëizolim jemi duke e mbushur me rotacione për të cilën fola më herët, dhe ata janë mjekë dhe motra medicinale pa asnjë ditë punojnë në mënyrë intenzive me këta pacientë gjatë 4 muajve të kaluar dhe të predispozuar në rrezik,” tha Venko Filipçe, ministër i Shëndetësisë.

Ai njoftoi se në Klinikën Infektive sot kanë ardhur 5 mjekë nga klinika të tjera dhe 27 motra medicinale, ndërsa spitali “8 Shtatori” është plotësuar edhe me 6 mjekë dhe 20 motra medicinale. Rotacioni i punëtorëve mjekësor u mundësua me dekretin që u miratua nga Qeveria, e cila i jep të drejtë ministrit që një mjek apo motër medicinale me urdhër të tij ta dërgojë nga një institucion shëndetësor, në tjetrin. Punëtori mjekësor do të kthehet në vendin e tij të punës, kur institucioni aktual nuk do të ketë më nevojë për të.

Rotacioni i kuadrit mjekësor vjen për shkak të infektimit të personelit mjekësor dhe shkuarjes së tyre në vetizolim për shkak të virusit Kovid-19.