U përgatitën propozim ndryshimet dhe plotësimet e Ligjit për mirëqenien e qenve me çka po parashihet që të vendoset sistem për kontroll të shumimit të qenve përmes regjistrimit dhe evidentimit të personave që ruajnë qenë në shtëpi. Me këtë masë po pritet që ata pronarë që nuk duan të kujdesen më për qenin e tyre (nuk duan të regjistrohen si pronarë të një qeni), ta kastrojnë, tha drejtori i Agjencisë për Ushqim dhe Veterinari Nikollçe Babovski në intervistë për MIA.
“Për zgjidhjen e problemit me qentë endacak mungon evidenca e pronarëve të qenve. Në këtë drejtim tashmë janë përgatitur propozim ndryshimet dhe plotësimet e Ligjit për mirëqenien e qenve me të cilat parashihet vendosje e sistemit për kontroll të shumimit të qenve, pikërisht përmes evidentimit të tillë të pronarëve të qenve. Me këtë masë pritet që ata pronarë që nuk duan më të kujdesen për qenin e tyre për riprodhim (nuk duan të regjistrohen si pronarë të qenve), ta kastrojnë”, tha Nikollçe Babovski, drejtor i AUV-së.
Siç thekson Babovski, nuk do të lejohet ruajtje e qenit me aftësi reproduktive, përveç nëse bëhet fjalë për pronarë të qenve ose pronarë të regjistruar të qenve (një qen i gjinisë femërore ose disa qenë të gjinisë mashkullore që janë me aftësi reproduktive). Qëllimi i fundit është përforcimi i parimeve për pronësinë e përgjegjshme të qenve shtëpiak dhe ulje të numrit të qenve endacak.
“Për herë të parë këtë vit me Urdhër për mbrojtjen shëndetësore të qenve, komunat kanë për obligim të bëjnë vlerësim të numrit të qenve. Kapja e qenve do të bëhet pavarësisht nga vlerësimi dhe duhet të realizohet gradualisht, të mos pritet rezultati nga vlerësimi, përkatësisht duhet të realizohet në bazë të planeve të miratuara dhe programit për kapjen e tyre. Në bazë të këtij vlerësimi komunat duhet të bëjnë plan për kontrollin e shumimit të qenve endacak për vitin e ardhshëm”, shtoi Babovski.
Babovski foli edhe për funksionin e ri të Organizatës Botërore për Mbrojtjen e Kafshëve (WOAH), por edhe për numrat e fundit në lidhje me parashtresat që kanë të bëjnë me sigurinë e ushqimit në vend.