Duke mbajtur distancën u mblodhën para lagjes së tyre. Këto banorë të Kondovës prej muajsh nuk kanë ujë në shtëpitë e tyre. Edhe pse jemi në kohë pandemie ato mbushin ujë nëpër vende tjera.
Një banor i kësaj lagjeje thotë se kanë bërë kërkesë edhe te komuna edhe te Ujsjellësi por deri tani akush nuk ka ndërmarrë hapa konkret për të rregulluar hallin e ujit.
“Mbushim ujë me këto bidona, shikoni, shikoni nuk ka ujë. Kjo është shumë turp për këtë popull këtu me 60 shtëpi nuk kanë ujë aspak”, tha një banorë i Kondovës.
“Kemi kërkuar, kemi qenë edhe tek komuna, kemi bërë kërkesë, kemi qenë edhe tek ujsjellësi nuk ka ujë. Ata thonë se duhet t’i ndërrojmë përçuesit e ujit por nuk e di tani duhet të zgjidhim këtë problem këtë problem duhet ta zgjidhë komuna dhe ujsjellësi”, tha një banorë i Kondovës.
Kjo është një pjesë e Kondovës e cila zakonisht, thonë banorët, përballet me mospasjen e ujit të pijshëm, sidomos gjatë kohës së verës.
“Pa ujë nuk mundemi, nuk ka jetë pa ujë, këtu diçka nuk është në rregull.
00 48 Po kemi kërkuar por ende nuk ka asgjë thonë që do të bëhet por ende asgjë nuk është bërë jemi shumë keq”, tha një banorë i Kondovës.
TV21 kërkoi përgjigje edhe nga Komuna e Sarajit ku nga atje thonë se janë të njoftuar me rastin dhe presin që Ujsjellësi dhe Kanalizimi të mund të sanojë këtë problem.
Nga Ndërmarja e Ujsjellësit thonë se në këtë pjesë të fshatit Kondovë ka shumë kyçës ilegal dhe bëhet harxhimi i ujit pa kontroll, ndërsa premtojnë se do të dalin në terren për të parë banorët që janë kyçur ilegal dhe pa paralajmërim në ujsjellës ku dhe ndikon në ndalimin dhe presionin e ujit.