Një gjë rregullohet, tjetra prishet, kur do të rregullohet rruga “Radushka” në Gjorçe Petrov?

U ndërtua kanalizimi atmosferik, ndërsa rruga u la në këtë gjendje.

Kjo është rruga “Radushka” në Lagjen Gjorçe Petrov.
Ndonëse u vendosën disa copëza asfalti rruga u bë edhe më keq, asfalti krijoi disa gropa që mund të dëmtojë makinat që kalojnë.
Një banore që jeton afër kësaj rruge, thotë se natën nuk mund të flesh nga zhurma e makinës që krijon kur bien në gropa.

“Bëjnë zhurmë makinat, të frikësojnë qëndroni këtu kur të kalojë ndonjë kamion kjo është shumë e tmerrshme. 00 09 Këtu kanë rregulluar kanalizimin, dhe nga atëherë e kanë lënë kështu, mbeturinat shikoni, kur fryn era këtu bëhet katastrofë”, tha nj; banor.

Një banorë tjetër thotë se kjo rrugë në këtë gjendje ka edhe një të mirë.
Makinat që kalojnë nuk po vozisin shpejt, e kur ka qenë e rregulluar ka pasur ndeshje.

“Kjo rrugë është si në formula 1, është rrugë e gjatë diku 1,2 km nga varrezat deri tek rruga Kondovës, mendoj se këtu diku 120-150 është si normale të vozitësh.
Tani janë ndalur për shkak të gropave, por nuk është zgjidhje gropa që ti ndaloj të mos vozisin shpejtë, e kundërta duhet të jetë”, tha një tjetër banor.

Pyetëm edhe në Komunën e Gjorçe Petrovit se kur do të ndërtohet rruga e cila ka mbetur prej disa muajsh, në përgjigje me shkrim na thanë që shumë shpejt do të ndërtohet rruga.

“Është lëshuar tenderi për rikonstruim në atë pjesë të rrugës.
Kemi ndërtuar kanalizim atmosferik.
Ndërsa fillimi i ndërtimit të rrugës presim të jetë gjatë muajit shtator”, thonë nga Komuna Gjorgje Petrov.

Kjo rrugë kur ishte e rregulluar kishte më shumë lëvizje por tani që ka mbetur në këtë gjendje. Shoferët gjejnë mënyra tjera për të arritur në qendër të Shkupit. Kjo rrugë lidh disa fshatra si fshatin Kondovë, Sfillare, Rashçe dhe Radushë.