Besimtarët myslimanë po bëjnë përgatitjet e fundit, një ditë para nisjes së agjërimit në muajin e shenjtë të Ramazanit.
Bit Pazari në Shkup i stërmbushur me qytetarë që po blinin ushqimet dhe gjërat e nevojshme për ta nisur muajin e agjërimit.
Ankohen për rritjen e çmimeve të produkteve, por thonë se janë të detyruar t’i blejnë.
Me na tregu a jeni bërë gati për Ramazan me harxh?
-Po, po bëhemi çfarë të bëjmë.
-Si po ju duken çmimet në krahasim me xhepat tona, a janë të përshtatshme?
-Çmimet si zakonisht si kanë qenë gjithmonë, janë edhe tani.
– A ju duken më të shtrenjta tani para Ramazanit?
-Çka të them, njëjtë, si më herët, edhe tash.
–A jeni bërë gati për Ramazan me harxh?
-Po, po bëhemi kadal-kadal.
-Krahasim me periudhën tjetër, tani për Ramazan a mendoni se janë shtrenjtuar çmimet e produkteve?
-Po s’e di, mendoj se të njëjtat janë. Diçka ka më lirë, diçka më shtrenjtë. Mendoj se pak janë shtrenjtë.
-Po qysh nuk jemi bërë gati, patjetër se jemi bë gati.
-Si ju duken çmimet krahasuar me ditët tjera?
-Si çdo ditë, njëjtë është.
-A ju duken të shtrenjta çmimet e produkteve?
-Janë pak shtrenjtë po patjetër të hash.
Çmimet e produkteve bazë ende janë mbi nivelin mesatar. Një kilogram domate shitet rreth 100 denarë, fasulja 250-300 denarë kilogrami, orizi 90 denarë ndërsa patatet 50 denarë.
Përndryshe Qeveria dje solli vendim që të ngrijnë çmimet e vezëve dhe orizit ndërsa shitja e tyre do të bëhet në nivelin e çmimeve që kanë qenë deri më 15 mars.