Ka nisur realizimi i pakos së 6 me masa ekonomike, treguan sot Ministri i Ekonomisë Kreshnik Bekteshi dhe Sekretari Gjeneral i Qeverisë Muamet Zekiri.
7 thirrjet në kuadër të kësaj pakoje janë për artistët dhe ciceronët turistikë, industrinë e eventeve, këndet e lojërave, gastronomët, restorantet e dasmave dhe agjencitë e regjistruara turistike. Bazë për mbështetje merret të ardhurat mesatare mujore të vitit 2019. Por përveç artistëve dhe ciceronëve, subjekteve të tjera që do t’u miratohet ndihma, ka kushte të veçanta.
Me këtë pako synohet mbështetja e 10 mijë kompanive dhe rreth 60 mijë të punësuarve, bëri të ditur Sekretari Gjeneral, Muhamet Zekiri, duke thirrur subjektet që të aplikojnë.
Sa i përket turizmit, Ministri i Ekonomisë duke cituar të dhënat e Entit të Statistikave tregoi se në 2020-tën në krahasim me vitin 2019, numri i turistëve është ulur me 60.5%./TV21