Qeveria britanike njoftoi sot se udhëtarëve nga Bashkimi Evropian do t’u duhet përsëri pasaportë nga viti 2021 për të hyrë në vend.
Qytetarët e Bashkimit Evropian do të kenë nevojë për pasaportë përsëri nga tetori i vitit 2021 për të hyrë në Mbretërinë e Bashkuar, në vend të kartës së identitetit që është akoma e vlefshme midis 27 anëtarëve të mbetur të Unionit, informon gazeta qeveritare „The Border Operating Model”.
Rregulli i ri vlen gjithashtu për vizitorët nga Zvicra, Islanda, Norvegjia dhe Lihtenshtajni. Qeveria Britanike ka vendosur të kthejë pasaportat, me argumentin se kartat e identitetit janë më pak të sigurta.
Britania e Madhe zyrtarisht e ka braktisur BE-në nga fundi i janarit dhe aktualisht është afat kalimtar deri në fund të vitit.
Tregu i brendshëm evropian dhe unioni doganor do të largohen në 1 janar, por një marrëveshje tregtare me bllokun prej 27 vendesh ende nuk është lidhur.