Dan Morina apo siç njihet ndryshe “Djali i kuzhinës”, sot ka qenë mysafir në emisionin “Pastel”.
Ka treguar se gjithçka ka nisur rastësisht, me video në internet derisa përgatiste në kuzhinë, të cilat siç tha, nuk ka pritur se do të jenë të suksesshme.
Megjithatë, ai zbuloi edhe planin e tij të ardhshëm. Hapja e restorantit në fshatin e lindjes.
“Në fshatin tim ku unë jam rritur, aty do ta bëj restorantin. Aty jam rritur, kam luajtur dhe aty do ta bëj restorantin tim”, tha Dan Morina.
Do të jetë një ambient i veçantë, ku kryesisht do të shërbehen ushqime tradicionale.
“Kur t’i vjen në restorant, do ta shihni kopshtin apo bahçen, dhe ju do t’i shihni aty trangujt e freskët. Nëse ty të pëlqen, atëherë shkon i merr të freskëta dhe ne i përgatisim”, tha më tej ai.
Ky projekt tashmë ka nisur dhe pritet të përfundojë verën e vitit 2022.