Kryeministri Netanyahu është nisur për në SHBA, duke thënë se do të diskutojë për Gazën, Iranin dhe çështje të tjera rajonale kur të takohet me Presidentin Trump në Uashington këtë javë.
“Në këtë udhëtim do të diskutojmë një sërë çështjesh: Gazën, rajonin, por sigurisht para së gjithash negociatat me Iranin. Do t’i paraqes presidentit pikëpamjet tona në lidhje me parimet e negociatave”, tha Netanyahu.
“Kjo është vizita ime e shtatë për t’u takuar me Presidentin e SHBA-së Trump që kur ai mori detyrën dhe besoj se kjo pasqyron thellësinë e marrëdhënies midis Izraelit dhe Shteteve të Bashkuara.”
Takimi i tyre vjen disa ditë pasi Irani dhe SHBA-të zhvilluan bisedime në Oman javën e kaluar, pas të cilave Trump tha se do të pasonte një raund tjetër negociatash.