Erdhi për të kontrolluar çmimet dhe të paralajmërojë ngrirjet e reja për produktet higjienike, por Kryeministri Dimitar Koçvaçevski u ballafaqua me kritika nga disa qytetarë që po bënin pazar.
-Ne të mbarojmë me mediat.. Unë do të jem këtu, do të shkoj edhe tek Safko në tezgë.
Vetëm një pyetje kam dhe do të shkoj.
-Në rregull, bën.
“Kështu pra çmimet janë rritur deri në tavan, do të thotë me 2 denarë makarona dhe vezë në 99 denarë që i keni ngrirë tani, çfarë ulje është kjo? Me të vërtetë ka ardhur jetë shumë e vështirë dhe nuk mund të blejmë as medikamente, as…”
“Vetëm ju rritni pagat gjithçka do të bëhet.. ka vetëm duhet të rriten.”
Në përgjigjen e tij kryeministri tha se Qeveria bën politika praktike, prandaj bëri të ditur se në seancën e nesërme të Qeverisë do të ngrijnë çmimet e produkteve higjienike ndërsa po bëhen analiza edhe për çmimet e frutave dhe perimeve.
“Tashmë po bëhen analiza, respektivisht janë në përfundim edhe në pjesën e çmimeve të pemëve dhe perimeve dhe në bazë të atyre analizave do të pasojë masa që gjithashtu kanë të bëjnë me uljen e mundshme të çmimeve pemëve dhe perimeve”, tha Dimitar Kovaçevski, kryeministër
Fakti që janë në terren sipas kryeministrit dëshmon se Qeveria i dëgjon qytetarët, ndërsa mohoi se kontrollet bëhen sa për PR fushatë personale.