Policia e Kosovës njofton se ka ndaluar dy persona për gara ilegale në rajonin e Ferizajt. Shtojnë se për këto kundërvajtje në trafik, ndaj tyre janë shqiptuar gjoba prej 500 euro, 5 pikë negative dhe masa mbrojtëse, ndalim i të drejtës për të drejtuar automjetin për 12 muaj.
“Me datën 08.11.2025 rreth orës 23:50 ka ndaluar dy shoferë, të cilët po zhvillonin gara shpejtësie në rrugën Gërlicë-Varosh të Ferizajt Shoferët me inicialet Sh.L. (25 vjeç), me veturë të tipit BMW 318 dhe N.H (64 vjeç) me veturën VW Golf, me targa vanedore, janë kapur në flagrancë duke bërë gara shpejtësie. Në zonë me kufizim 60 km/h, ata po zhvillonin shpejtësi 136 km/h”, thonë nga Policia e Ksoovës.