Parlamenti shqiptar me 91 vota “pro” e miratoi vendimin me të cilin gjendja e jashtëzakonshme në vend, për shkak të pandemisë me koronavirusin, vazhdohet deri më 23 qershor.
“Jepet pëlqim për vazhdim të gjendjes së jashtëzakonshme për shkak të fatkeqësisë natyrore, të shpallur me vendimin nr. 243, nga 24.04.2020 në Këshillin e ministrave deri më 23 qershor 2020”, citohet në vendimin e sjellur me të cilin votuan edhe deputetët e opozitës.
Nga deputetët e pranishëm pesë ishin kundër ndërsa tre të përmbajtur.
Para se të hyjnë në sallën kuvendore, deputetëve u ishte matur temperatura, kanë mbajtur maska mbrojtëse dhe doreza ndërsa për shkak të mbajtjes së distancës sociale ishin sistemuar edhe në galerinë kuvendore dhe lozha, të cilat zakonisht janë për diplomatë të huaj ose mysafirë të shquar.
Seanca e sotme u mbajt pa praninë e gazetarëve ndërsa të drejtën e transmetimit e kishte vetëm radiotelevizioni shtetëror.
Qeveria, gjendje të jashtëzakonshme, për shkak të “fatkeqësisë natyrore, në tërë territorin e vendit, shpalli më 24 mars dhe atë në periudhën prej 30 ditësh.
Sipas të dhënave të theksuara sot nga Ministria e Shëndetësisë dhe Mborjtjes Sociale, në vend janë diagnostifikuar 663 persona me Kovid-19, ndërsa janë shëruar 385 dhe kanë vdekur 27 persona. Qeveria shqiptare në të njëjtën kohë paralajmëroi se do të fillojë me lehtësimin e masave rrigoroze nëse gjendje me infektimin vazhdon të jetë stabile./MIA