Në Shqipëri 17 raste të reja me Covid-19

Gjatë 24 orëve të fundit në Shqipëri janë regjistruar 17 raste të reja të Kovid 19 nga 306 testet e bëra. Nga të infektuarit e ri nga tetë janë në Durrës dhe Tiranë, ndërsa vetëm një rast në Krujë.

Deri më sot janë kryer mbi 12 mijë testime dhe janë konfirmuar pozitivë me KOVID-19 në të gjithë vendin 933 qytetarë. Prej tyre, 77 për qind tashmë janë të shëruar. Tashmë në të gjithë Shqipërinë janë 188 persona aktiv me Covid-19, prej të cilëve katër janë në trajtim intensiv, ndërsa kanë vdekur 31 persona.

Ministria e Shëndetësisë dhe Mbrojtjes Sociale apelon qytetarët të tregohen të përgjegjshëm, duke respektuar distancimin fizik, duke ruajtur higjienën personale, duke shmangur vizitat tek të afërmit për çdo lloj arsye, ndërsa bizneset duhet të zbatojnë protokollet strikte.

Autoritetet shëndetësore të Shqipërisë pas rritjes së numrit disa ditë radhazi paralajmëruan për mundësinë t’i kthejnë masat e rrepta të izolimit, nëse vazhdon të rritet numri i të infektuarve të ri me Kovid-19 dhe mosrespektimit të rekomandimeve.

Ministrja e Shëndetësisë dhe Politikës Sociale Ogerta Manastriliu tha se institucionet shëndetësore i mbështesin lehtësimet e masave, por vetëm me kusht nëse qytetarët i respektojnë masat.